英国人又点睇 香港人?

人气 884

【大纪元2022年01月01日讯】

香港连邻 HK Link Up

香港连邻标志(受访者提供)
香港连邻标志(受访者提供)

香港连邻是一个非营利组织,旨在将英国居民与抵英的香港人联系起来。我们正在推行伙伴计划 – 当你到临英国,我们会为你们安排当地人作为你们新生活上的伙伴,为你们解答生活上的咨询,以及文化上的交流。这些伙伴亦乐意为你们提供人际圈的连结。我们期望伙伴之间能够建立长远的友谊,以及伙伴之间在情绪上能够互相支撑,以令港人在英国能进入最顺利的适应。

受访者:Nick Woods (HK Link Up本地义工)

Nick系一个住喺Portsmouth慨Hong Kong Link Up本地义工,佢曾经透过Hong Kong Link Up慨Buddy Scheme帮助过一个以LOTR身份移民慨单亲家庭喺当地安顿好生活。
佢对于香港人移民英国慨消息相当了解,亦都表示好欢迎香港人加入英国呢个文化多元化慨大家庭!

以下内容取自编辑同Nick慨访问,内容会翻译成广东话方便大家理解。

Nick后生嗰阵隔离屋住咗一个嚟自香港慨移民家庭,因为大家左邻右里慨关系,佢哋经常有交流,所以佢对香港人有一个好好慨印象,亦都对香港呢个地方多咗认识。

“住喺隔离慨香港家庭喺同一条街开咗一间唐餐馆,佢哋经常会请我哋一家试食唔同慨港式菜,对于我嚟讲系一个好好慨回忆,我亦都觉得香港人好好客、对我哋外国人都特别亲切。因为呢一个家庭令到我对香港呢个地方多咗认识,其实睇到香港宜家咁样我个心都唔安乐,我知道根据中英联合声明香港喺九七年会回归中国,但系睇到宜家香港慨社会状况渐渐变得越嚟越差,我就觉得英国好似遗弃咗香港咁。”

加入HK Link Up做义工

成为朋友

喺2020年10月Nick帮过一个喺Portsmouth落脚慨单亲家庭。当Nick知道呢个家庭从来都未嚟过英国,除咗提醒佢哋初嚟报道要申请慨嘢之外,佢好希望藉住介绍自己慨屋企人同佢哋一家联谊去,等佢哋容易啲融入英国生活。Lockdown后佢哋两家人约咗喺沙滩附近一齐野餐、互相交流,之后又一齐去玩Paddleboarding。

香港人喺英国慨日常沟通

Nick觉得香港人唔需要太担心言语上沟通唔到,就好似呢个家庭为例,虽然Nick觉得佢哋慨英文沟通冇问题,但妈妈就对自己慨英文冇乜信心,Nick觉得最紧要系有心肯讲肯学,好多人都愿意帮手。如果基本沟真系好大困难,可以试下去Council揾一啲免费慨英文班,但基本上学得最快都系同英国人多啲沟通,多啲交流自然就会识得讲。

香港移民潮 英国人慨负担?

“我从来唔会咁样谂,历史嚟讲,自80年代起英国本土已经有一个好大慨华人圈子,佢哋可以喺呢个国家建立到自己慨网络、开餐馆甚至系大型慨超级市场已经证明佢哋有能力喺呢个国家自给自足;我都相信接住嚟慨香港人都系一个对国家重要慨劳动力,同时亦都可以刺激国家慨经济。我成日觉得香港人好勤力同埋喺工作上好快就上手,相信呢度有好多工种佢哋都适合做。”

“I think that’s a different type of immigration. The Hongkongers seem ready to work, built for themselves rather than wanting stuff (from the country).”

—— Nick

需要更多资讯帮忙慨香港人,欢迎浏览以下网页:hklink.uk

来自HK Link的便签(受访者提供)
来自HK Link的便签(受访者提供)

星月同行”HKG International

“星月同行”标志(受访者提供)
星月同行”标志(受访者提供)

“我觉得香港人如果有嚟过英国慨话都唔会太难熟悉呢边慨生活,最紧要系喺呢度建立一个网络,识多几个人起码大家都有个照应,呢个亦系其中一个我搞星月同行慨原因。”
—— Ivan Yip

一对一友伴配对服务

“出外靠朋友”,但不是每个移居外地的港人,都有朋友在外。

由几个热心香港人于2021年6月在英国注册成立,HKG International 旨在连结同路香港人,透过推出“星月同行”海外港人友伴计划,提供一对一配对服务,希望促进港人的互助精神。

计划将招募移居英国超过四个月的港人充当响导及友伴 (简称“月亮”),为准备移居或初到埗同区的港人 (简称“星星”),提供为期三个月的支援,助“星星”更快适应当地生活、建立社交圈子。“星星”需承诺在抵英四个月后成为“月亮”,帮助下一批港人,延续守望相助的精神,并一步步凝聚港人力量。

“星星”在报名时需付 £100。学生、未成年、寻求政治庇护、伤残或有经济困难人士,可申请服务费用豁免。当中£50 畀“月亮”作基本交通及服务津贴;另外 £50 将用作补助上述费用豁免人士参与此计划的开支,及应付团队基本的营运及行政开支。

Chester到Birmingham 安定一个啱啱到埗慨家庭

第一次帮手系喺我仲未搞星月同行之前,朋友介绍咗一个即将会以BNO visa过嚟英国慨单亲家庭,因为佢哋喺英国冇人冇物,到埗后想揾个照应。

喺佢哋未嚟之前,我哋已经有联络倾吓佢慨状况。当时佢最主要想买车,因为对车款同车慨性能都唔熟,所以想我帮佢睇吓。等佢隔离完之后我哋就开始去车行度睇车,除咗比较一啲大路慨车牌子同款式之外,我建议佢去一啲有牌子慨二手车行买一啲Approved Car,呢啲车除咗有原厂保养之外都比较有质素。因为呢面二手车慨需求好大,同埋佢哋比较想揸自动波同埋行汽油慨车,变相拣得落手慨车就好少,有时睇啱可能都已经俾人买咗。另外车行保险问题,揸住香港牌系唔可以试车,所以我都有帮佢试埋车。当然我仲做埋教车师傅同佢熟习吓英国慨道路同路牌点样睇。

除咗载佢去唔同慨车行睇车之外,我都有陪佢去睇家俬、买日用品同埋睇吓附近慨环境,最主要都系想帮佢尽快熟习呢度慨生活。其实呢一个家庭对于移民生活都算系正面同埋积极,只系生活上有啲细节唔清楚需要有经验慨过来人帮手。当然后来我哋都沟通多咗,甚至做埋朋友,我哋两家人周不时都会一齐联谊吓。

经营星月同行

星月同行配对慨运作就系就住星星 (即将移民慨香港人) 慨需求再帮佢哋配对月亮 (在英港人),我哋会按住双方慨地区距离、职业甚至家庭背景去做一个配对,务求令到大家有一个衔接点可以互相交流、照应。我哋作为管理员,帮佢哋配对完之后,会至少每月跟进,了解双方互动情况。当然我哋都好希望星星同月亮双方最后可以成为朋友、扩大喺英国慨社交圈子,因为星月同行呢个计划本来就系想透过帮助即将移民慨香港人去凝聚喺英国生活慨香港社群,加强香港人对香港文化、对民族慨归属感。长远嚟讲我哋都希望可以筹备一啲联谊活动甚至系团购去帮助一啲有需要慨香港人。我哋仲喺起步阶段,所以都会想揾多啲在英港人去参与呢个活动可以帮助更多未来会嚟英国定居慨香港人。

受访者:Ivan Yip —— 星月同行创办人之一

星月同行呢个计划旨在配对即将要嚟英国慨香港人同已经过咗嚟英国定居慨香港人,希望透过配对香港人可以喺英国互相帮助,帮佢哋尽快适应呢度慨生活。过咗嚟英国一年慨Ivan系星月同行慨创办人之一,原来喺佢筹备星月同行前就已经有帮过香港家庭嚟英国定居慨经验,而呢啲经历亦都启发到佢去成立星月同行慨计划,佢希望可以鼓励其他在英港人去帮助更多有需要慨香港人。

需要更多资讯帮忙慨香港人,欢迎浏览网页:hkg.one

港侨会转介服务

港侨协会标志(港侨协会提供)
港侨协会标志(港侨协会提供)

为咗令移民英国慨香港人更容易适应同习惯英国生活,港侨会除咗担当在英港人慨社群同英国政府之间慨桥梁,亦都为即将移民英国慨港人提供专业服务转介,以下系唔同范畴慨转介服务:

1. 物业转让
2. 移民法律(包括庇护)
3. 商业转让
4. 财务及税务意见
5. 其他

港侨会亦都有提供心灵与生涯辅导慨转介服务,以下系港侨会提供慨范畴:
(英国港侨协会不会在心灵及生涯辅导活动收取您任何费用。)

1. 心理辅导
2. 职业及教育辅导
3. 信仰支援

需要更多资讯帮忙慨香港人,欢迎浏览以下网页:专业服务, 心灵与生涯辅导服务

免责声明:

港侨会会向服务提供者收取总费用中的一小部分作为介绍费,本笔费用将用作会务与慈善用途。(紧急人道需要如庇护律师转介或其他法援服务不在此列。)

本会和服务提供者为互相独立的机构,彼此并无利益关系。

请注意,您所留下的资讯将可能会被转介至服务提供者。

CO-PRODUCERS
HONGKONGERS IN BRITAIN
CHRISTY HO

Special thanks to the interviewees for their tips and stories behind this migration journey. We wish you all the best in Britain.

相关新闻
人权组织鼓励海外港人继续支持香港民主
获英国政治庇护 王茂俊:港人应保护香港文化
英国《香港半年报告》: 强烈反对国安法
英国时期香港无民主?专家拆解中共谎言
最热视频
【菁英论坛】武统台湾坑挖得太大 习近平填不了
【重播】拜登国情咨文 强调经济和团结
【天亮时分】间谍气球 中共急翻篇 凸显习软弱
【全球新闻】习密集处分2300人 恐慌气氛弥漫
【晚间新闻】土耳其地震 中国综艺节目男星遭活埋
【财商天下】十多万人丢饭碗 科技业为何大裁员?
如果您有新闻线索或资料给大纪元,请进入安全投稿爆料平台
评论