(http://www.epochtimes.com)
【大紀元4月18日訊】昨日下午四時，工廠林立的觀塘區錄得空氣污染指數六十三，污染的水平如常地偏高，人多車多的街道上，一名香港男子裝束奇特，站在紅綠燈前等過馬路，引來途人注視。他是張耀霖，首名佩戴護罩對抗空氣污染的香港人。
「我唔係環保，係自保，保護自己個肺，個過濾器我用兩、三個禮拜就丟，膠好難溶解，完全唔環保！」五十一歲的環保技術顧問、環保團體綠田園基金理事張耀霖，在一九九九年七月的某一天，突然感到「頂唔順」，香港空氣太渾濁了，於是四出物色口罩，終於給他在五金舖覓得一個美製「豬嘴式」勞工口罩（約二百元）、兩個英製賽車用口罩（每個三百至四百元），從此每次外出都罩不離口。「豬嘴式」口罩可濾去空氣中的污染物如可吸入的懸浮粒子、一氧化碳、二氧化硫等。
張耀霖昨日乘地鐵前往觀塘，在車廂內，他依然戴口罩：「人多時候我就戴，唔使聞到汗臭。」張耀霖坐下來，旁邊的乘客目光奇異，張耀霖已經見慣了：「有次我坐巴士，有個細路女本來行近埋想坐低，佢媽咪見到我咁款即刻拖住個女，走都走唔切。」
環保署首席環保主任梁伯銘認為香港的空氣污染程度未致於人人要戴口罩外出：「我唔會反對呢個做法，但係實在冇咁需要，我諗佢可以上健力士世界大全。」環保人士陸恭蕙則說，香港空氣如果持續惡化，不排除會有更多市民像張耀霖一樣。
記者問過一些途人，全部都同意香港空氣污染，但都很抗拒「豬嘴」，主要是怕麻煩及異相。張耀霖說：「唔理得咁多，我有次戴住個『豬嘴』行入酒店，去到電梯大堂先除低，人問我點解要戴個咁，我會問番佢點解唔戴。」張耀霖住在上水鄉郊，只有在家才會脫下「豬嘴」，他稱餘生都不會搬出市區。(蘋果日報)(http://www.dajiyuan.com)
相關文章